ແພດຜູ້ຊຽວຊານ 
ສູນໄຂ່ຫຼັງທຽມ
ໜ້າທີ່ຂອງໄຂ່ຫຼັງ
- ຂັບໄລ່ທາດເບື່ອອອກທາງນໍ້າຍ່ຽວ
- ຄວບຄຸມສົມດູນຂອງນໍ້າ
- ປັບຄວາມສົມດູນເກືອແຮ່ໃນຮ່າງກາຍ
- ຄວບຄຸມຄວາມສົມດູນຂອງກົດດ່າງ
- ຜະລິດຮອ໊ກໂມນທີ່ຊ່ວຍຄວບຄຸມຄວາມດັນ
- ຜະລິດຮ໊ອກໂມນກະຕຸ້ນເມັດເລືອດແດງ
- ສ້າງວິຕາມີນດີ
ເພາະສະນັ້ນຫາກໄຂ່ຫຼັງສູນເສຍໜ້າທີ່ໃນການເຮັດວຽກອາດເຮັດໃຫ້ເກີດອາການຕ່າງໆເຊັ່ນພາວະທາດເບື່ອອັ່ງ (BUN) ອາດມີອາການປຸ້ນທອ້ງ ປວດຮາກ ອາການຊືມ ສັບສົນຫຼືອາດມີພາວະນໍ້າຫຼືເກືອແຮ່ເກີນໃນຮ່າງກາຍອາດມີອາການບວມຮວ່ມດວ້ຍ ບາງຄັ້ງອາດມີພາວະຈືດ ຫຼືຄວາມດັນເລືອດສູງແລະບາງຄົນອາດມີກະດູກເຜາະບາງ
ໄຂ່ຫຼັງຊຸດໂຊມມີ 2 ປະເພດ
- ໄຂ່ຫຼັງຊຸດໂຊມກະທັນຫັນ ພົບໃນຄົນປົກກະຕິທີ່ມີການເຮັດວຽກຂອງໄຂ່ຫຼັງປົກກະຕິແລ້ວກະຕຸ້ນການເຮັດວຽກຂອງໄຂ່ຫຼັງໃຫ້ສູນເສຍໜ້າທີ່ກະທັນຫັນອາດເກີດຈາກພາວະຖອກທອ້ງ ພາວະຕິດເຊື້ອ ສູນເສຍເລືອດປະລິມານຫຼາຍຫຼືຄົນເຈັບມີພາວະກ່ຽວກັບໄຂ່ຫຼັງໂດຍກົງ ເຊັ້ນໄຂ່ຫຼັງຮົ່ວ ໄຂ່ຫຼັງອັກເສບ ມາດວ້ຍອາການບວມ ກວດພົບໂປຼຕິນແລະເມັດເລືອດແດງຮົ່ວອອກມາໃນນໍ້າຍ່ຽວ,ການໄດ້ຮັບຢາປາຕິຊີວະນະ,ການຊີດສານລັງສີ,ການອຸດຕັນຂອງໜີ້ວທີ່ທໍ່ທາງເດີນນໍ້າຍ່ຽວ,ຕອ່ມລູກໝາກໃຫ່ຍ,ເນື້ອງອກ,ໄຂ່ຫຼັງຂາດເລືອດກະທັນຫັນ ມີຄວາມຮຸນແຮງຫຼາຍ ຫາກບໍ່ຮີບປິ່ນປົວອາດມີອັນຕະລາຍແຊກຊອ້ນເຖິງຂັ້ນເສຍຊີວິດໄດ້ ເຊັ່ນເລືອດເປັນກົດ ຫຼືເກືອແຮ່ໂພແທຣຊຽມສູງແຕ່ຖ້າຫາກປິ່ນປົວໄດ້ໄວ ແລະ ຕອຍສະໜອງຕໍ່ພະຍາດສາມາດປິ່ນປົວໃຫ້ຫາຍຂາດໄດ້
- ໄຂ່ຫຼັງຊຸດໂຊມຊໍາເຮື້ອ ຄືພາວະທີ່ໄຂ່ຫຼັງສູນເສຍໜ້າທີ່ການຈົນຕອ້ງເຮັດການບໍາບັດທົດແທນໄຂ່ຜຫຼັງ
ສາເຫດຂອງໄຂ່ຫຼັງຊຸດໂຊມຊໍາເຮື້ອ
- ພະຍາດເບົາຫວານ
- ພະຍາດຄວາມດັນເລືອດສູງ
- ໄຂ່ຫຼັງຮົ່ວຫຼືໄຂ່ຫຼັງອັກເສບ
- ຕິດເຊື້ອທາງເດີນນໍ້າຍ່ຽວຫຼືໜີ້ວທາງເດີນນໍ້າຍ່ຽວ
- ການກິນຢາແກ້ປວດຕິດຕໍ່ກັນເປັນເວລາດົນຫຼືຖົງນໍ້າໃນໄຂ່ຫຼັງຈໍານວນຫຼາຍ
ຄົນເຈັບທີ່ເປັນພະຍາດໄຂ່ຫຼັງຊຸດໂຊມຊໍາເຮື້ອມີວິທີການປິ່ນປົວຢ່າງໃດ
ປະຈຸບັນມີການປິ່ນປົວໄຂ່ຫຼັງຊຸດຊໍາເຮື້ອທັງໝົດ 4 ວີທີຄື:
- ການປິ່ນປົວທົ່ວໄປ ເພື່ອຊະລໍ່ການເສື່ອມຂອງໄຂ່ຫຼັງ
- ການຟອກເລືອດໂດຍເຄື່ອງໄຂ່ຫຼັງທຽມ
- ການລ້າງໄຂ່ຫຼັງທາງຜົ້ງທອ້ງ
- ການຜ່າຕັດປູກຖ່າໄຂ່ຫຼັງ
ສູນໄຂ່ຫຼັງທຽມໂຮງພະຍາບານກຸງເທບອຸດອນ ມີບຸກຄະລາກອນທາງການແພດທີ່ມີຄວາມສາມາດ ແລະ ຊຽວຊານມີປະສົບການສູງ ມີເຄື່ອງມືອຸປະກອນທາງການແພດທີ່ທັນສະໃໝພອ້ມໃຫ້ບໍລິການຄົບວົງຈອນເພື່ອໃຫ້ການດູແລສໍາລັບຄົນເຈັບພະຍາດໄຂ່ຫຼັງທັງແບບຊໍາເຮື້ອ ແລະກະທັນຫັນພາຍໄຕ້ສະພາບແວດລອ້ມທີ່ອໍານວຍຄວາມສະດວກສະບາຍສະອາດແລະປອດໄພສຊາລັບຄົນເຈັບແລະຄອບຄົວຕັ້ງແຕ່ການກວດວິນີໃສປິ່ນປົວຈົນເຖິງການຟອກເລືອດດວ້ຍວິທະຍາການທີ່ໄດ້ມາດຕາຖານແລະທັນສະໃໝມີແພດຜູ້ຊຽວຊານດ້ານພະຍາດໄຂ່ຫຼັງປະຈໍາສູນ ແລະ ມີພະຍາບານໄຂ່ຫຼັງທຽມເຊິ່ງເປັນຜູ້ສໍານານສະເພາະທາງຮວ່ມໃຫ້ການດູແລຮັກສາຕະຫຼອດ 24 ຊົ່ວໂມງ
