ແພດຜູ້ຊຽວຊານ 
ສູນສົ່ງເສີມສຸຂະພາບໂຮງໝໍກຸງເທບອຸດອນ
ມຸ່ງຫມັ້ນທີ່ຈະເບິ່ງແຍງສຸຂະພາບຂອງທ່ານ ແລະ ຄົນທີ່ທ່ານຮັກ ເພາະສຸຂະພາບດີເປຫນສິ່ງທີ່ສຳຄັນຂອງຊີວິດ ຈິ່ງໄດ້ຈັດໂປຣແກຣມການກວດສຸຂະພາບທີ່ເໝາະສົມກັບບຸກຄົນຕາມເພດ, ຊ່ວງອາຍຸ, ຕາມຄວາມສ່ຽງໃນການປະຕິບັດວຽກງານ ແລະ ການດຳລົງຊີວິດປະຈຳວັນຂອງແຕ່ລະບຸກຄົນ ເຊິ່ງຈະຊ່ວຍໃຫ້ສາມາດກວດພົບບັນຫາສຸຂະພາບໄດ້ຕັ້ງແຕ່ໄລຍະທຳອິດ ພ້ອມທັງຮັບຄຳແນະນຳຈາກແພດຜູ້ຊ່ຽວຊານ ແລະ ທີມສະຫະສາຂາວິຊາຊີບໃນການເບິ່ງແຍງສຸຂະພາບ ຫລື ປັບປ່ຽນພຶດຕິກຳເພື່ອປ້ອງກັນ ການເກີດພະຍາດໃນອະນາຄົດ ພາຍໃຕ້ຂະບວນການເຮັດວຽກທີ່ໄດ້ຮັບການຮັບຮອງກ້ານຄຸນນະພາບ ແລະ ບໍລິການຕາມມາດຕະຖານສາກົນ.
ບໍລິການຂອງສູນສົ່ງເສີມສຸຂະພາບ
ບໍລິການກວດສຸຂະພາບສ່ວນບຸກຄົນ
ເນື່ອງຈາກຮ່າງກາຍຂອງບຸກຄົນໃນແຕ່ລະເພດ ມີຄວາມແຕກຕ່າງກັນຕາມຊ່ວງອາຍຸທີ່ປ່ຽນແປງ ສູນສົ່ງເສີມສຸຂະພາບຈິ່ງໄດ້ປະເມີນຄວາມສ່ຽງໃນການເກີດພະຍາດຂອງບຸກຄົນແຕ່ລະຊ່ວງອາຍຸ ແຍກຕາມລັກສະນະສະພາບຂອງເພດ ເຊິ່ງຜູ້ເຂົ້າຮັບບໍລິການສາມາດເລືອກກວດໄດ້ຕາມຄວາມເໝາະສົມຂອງຕົນເອງ ດັ່ງຕໍ່ໄປນີ້:
- Basic Check-up ກວດສຸຂະພາບຂັ້ນພື້ນຖານ ສຳຫລັບບຸກຄົນທີ່ອາຍຸນ້ອຍກວ່າ 30ປີ (ຊາຍ/ຍິງ)
- Advance Male Check-up ສຳຫລັບບຸກຄົນທີ່ອາຍຸ 30-40ປີ (ຊາຍ)
- Advance Female Check-up ສຳຫລັບບຸກຄົນທີ່ມີອາຍຸ 30-40 ປີ (ຍິງ)
- Executive Femail Check-up ສຳຫລັບບຸກຄົນທີ່ມີອາຍຸ 40ປີ ຂື້ນໄປ (ຍິງ)
- Ultimate Female Check-up ສຳຫລັບບຸກຄົນທີ່ມີອາຍຸ 40ປີ ຂື້ນໄປ (ຍິງ)
- ກວດກັ່ນຕອງພະຍາດມະເຮັງ
- ກວດໂປຣແກຣມ ກ່ອນແຕ່ງງານ ແລະ ກ່ອນມີລູກ
- ການກວດສຸຂະພາບພະນັກງານບໍລິສັດຄູ່ສັນຍາ ສະເພາະຄວາມສ່ຽງອາຊີວະເວດຊສາດ ເຊັ່ນ: ການກວດສະພາບປອດ, ການກວດສະພາບການໄດ້ຍິນ
- ການຂໍໃບຮັບຮອງແພດສຳຫລັບພະນັກງານອຸດສາຫະກຳນອກຊາຍຝັ່ງ
- ການກວດຮ່າງກາຍສຳຫລັບຜູ້ປະຕິບັດງານໃຕ້ນຳ້
- ການກວດຮ່າງກາຍສຳຫລັບຜູ້ປະຕິບັດງານເທິງເຮືອ
- ການກວດສຸຂະພາບເພື່ອເຮັດໃບຂັບຂີ້ໄທ
- ການກວດສຸຂະພາບກ່ອນເຮັດປະກັນສຸຂະພາບທັງເດັກ ແລະ ຜູ້ໃຫຍ່
- ການກວດສຸຂະພາບເພື່ອໄປຕ່າງປະເທດ
- ການກວດສຸຂະພາບກ່ອນເຂົ້າເຮັດວຽກ ແລະ ຍ້າຍບ່ອນເຮັດວຽກ
- ການກວດສຸຂະພາບກ່ອນກັບເຂົ້າເຮັດວຽກ
- ການກວດສຸຂະພາບປະຈຳປີຂອງພະນັກງານ
- ການກວດສຸຂະພາບເພື່ອເຮັດ ໃບອະນຸຍາດເຮັດວຽກໃຫ້ແກ່ຄົນຕ່າງເທດ
- ບໍລິການສັກວັກຊີນເພື່ອປ້ອງກັນພະຍາດຕ່າງໆ
ຂັ້ນຕອນກ່ອນຮັບບໍລິການກວດສຸຂະພາບມີດັ່ງນີ້
- ກອກປະຫວັດກ່ຽວກັບສຸຂະພາບການດຳລົງຊີສິດປັດຈະບັນ ເປັນຕົ້ນ
- ພະຍາບານ ຫລື ທີມງານຜູ້ຊ່ຽວຊານແນະນຳໂປຣແກຣມ ທີ່ເໝາະສົມກັບແຕ່ລະບຸກຄົນ ແລະ ຊີ້ແຈງຂັ້ນຕອນໃນການກວດສຸຂະພາບ
- ຊັ່ງນຳ້ໜັກ, ແທກລວງສູງ ແລະ ກວດສາຍຕາ
- ເຈາະເລືອດ ແລະ ສົ່ງໄປຫ້ອງວິເຄາະ
- ພົບແພດເພື່ອຟັງຜົນການກວດສຸຂະພາບ
- ຫາກພົບຄວາມຜິດປົກກະຕິ ຫລື ມີຂໍ້ສົງໄສກ່ຽວກັບຜົນການກວດສາມາດຂໍຮັບຄຳປຶກສາຈາກແພດສະເພາະທາງດ້ານນັ້ນໄດ້ທັນທີ.
ຂໍ້ຄວນປະຕິບັດກ່ອນການຮັບການກວດສຸຂະພາບ
- ງົດອາຫານ ແລະ ເຄື່ອງດື່ມທຸກຊະນິດ ຍົກເວັ້ນນຳ້ລ້າ ກ່ອນເຂົ້າຮັບການກວດສຸຂະພາບຢ່າງນ້ອຍ 8-12ຊົ່ວໂມງ. ກໍລະນີທີ່ມີການກວດເອັກສເຣທາງເດີນອາຫານສ່ວນຕົ້ນຕ້ອງງົດອາຫານ ແລະ ນຳ້ທຸກຊະນິດ
- ກະລຸນານຳຜົນການກວດລາຍງານດ້ານການແພດ ຫລື ປະຫວັດສຸຂະພາບອື່ນໆ ທີ່ທ່ານມີຢູ່ມານຳ ເພື່ອປະກອບການບົ່ງມະຕິຂອງແພດ
- ງົດການດື່ມເຫລົ້າ ເບຍ ກ່ອນຮັບການກວດສຸຂະພາບຢ່າງນ້ອຍ 24 ຊົ່ວໂມງ
- ຄວນນອນຫລັບພັກຜ່ອນໃຫ້ພຽງພໍຢ່າງນ້ອຍ 6-8 ຊົ່ວໂມງ ກ່ອນຮັບການກວດສຸຂະພາບ. ເນື່ອງຈາກການອົດນອນຈະເຮັດໃຫ້ຜົນການກວດຜິດປົກກະຕິ ໂດຍສະເພາະຄວາມດັນເລືອດ, ການເຕັ້ນຂອງຫົວໃຈ ແລະ ອຸນຫະພູມຂແງຮ່າງກາຍ
- ງົດການອອກກຳລັງກາຍໜັກ 24 ຊົ່ວໂມງກ່ອນການກວດ
- ສຳຫລັບແມ່ຍິງ ຄວນງົດການກວດສຸຂະພາບໃນຊ່ວງກ່ອນ ແລະ ຫລັງມີປະຈຳເດືອນ 7ວັນ ແລະ ໃນລະຫວ່າງການມີປະຈຳເດືອນ ໃຫ້ງົດການກວດປັດສະວະ ເພາະເລືອດຈະປົນເປື້ອນໃນປັດສະວະ ແລະ ມີຜົນກະທົບຕໍ່ຜົນການກວດ
- ຫາກກວດກັ່ນຕອງມະເຮັງເຕົ້ານົມ ດ້ວຍການເອັກສເຣເຕົ້ານົມ (Mammogram) ຄວນຫລີກລ້ຽງການກວດໃນຊ່ວງມີປະຈຳເດືອນ ເພາະເຕົ້ານົມຈະມີຄວາມຄັດຕຶງ ຄວນກວດຫລັງມີປະຈຳເດືອນ
- ກໍລະນີສົງໄສວ່າຖືພາ ກະລຸນາແຈ້ງໃຫ້ເຈົ້າຫນ້າທີ່ຮັບຮູ້ ເພື່ອງົດການເອັກສເຣ
ຂໍ້ແນະນຳສຳຫລັບຜູ້ເຂົ້າຮັບບໍລິການທົດສອບສະພາບຫົວໃຈຂະນະອອກກຳລັງກາຍ (Exercise Stress Test: EST)
- ຄວນງົດອາຫານ, ຢາສູບ ແລະ ເຄື່ອງດື່ມທີ່ມີກາເຟອິນຢ່າງນ້ອຍ 3 ຊົ່ວໂມງກ່ອນການກວດ
- ເຄື່ອງດື່ມປະເພດ ຊາ, ກາເຟ, ຊັອກໂກແລັດ, ນຳ້ອັດລົມ ລວມທັງຢາແກ້ປວດບາງຊະນິດ ອາດມີກາເຟອິນປະສົມນຳ ຫາກຜູ້ເຂົ້າຮັບບໍລິການເປັນພະຍາດເບົາຫວານ ຄວນປຶກສາແພດວ່າສາມາດຮັບປະທານອາຫານຫຍັງແດ່ ກ່ອນການກວດ
- ຫາກຜູ້ເຂົ້າຮັບບໍລິການ ມີຢາທີ່ຕ້ອງຮັບປະທານເປັນປະຈຳ ຄວນປຶກສາແພດກ່ອນວ່າຕ້ອງຮັບປະທານຢາຕໍ່ເນື່ອງ ຫລື ຢຸດຢາກ່ອນການກວດ ແລະ ນຳຢາທີ່ຮັບປະທານປະຈຳມາໃນວັນທີ່ກວດນຳ
- ສາມາດຈິບນຳ້ໄດ້ເລັກນ້ອຍ ກ່ອນຮັບການກວດສະພາບຫົວໃຈດ້ວຍການອອກກຳລັງກາຍ
- ປ່ຽນເຄື່ອງນຸ່ງເປັນຊຸດການກວດຂແງໂຮງໝໍ
ຂໍ້ແນະນຳສຳຫລັບຜູ້ເຂົ້າຮັບບໍລິການກວດຜົ້ງທ້ອງທັງໝົດດ້ວຍລະບົບຄື້ນສຽງຄວາມຖີ່ສູງ
ເພື່ອຜົນການກວດທີ່ແມ່ນຢຳ ຄວນດື່ມນຳ້ລ້າ ແລະ ງົດຖ່າຍເບົາກ່ອນເຂົ້າຮັບການກວດ.
