ແພດຜູ້ຊຽວຊານ 
ສູນສະໝອງ ແລະ ລະບົບປະສາດ
ພະຍາດທາງສະໝອງ ຖືເປັນໄພງຽບທີ່ກວ່າຈະຮູ້ຕົວກໍ່ສາຍເກີນໄປ ດ້ວຍເທັກໂນໂລຊີ ແລະ ຄວາມຊ່ຽວຊ່ານຂອງແພດ ຈິ່ງຊ່ວຍໃຫ້ການປ້ອງກັນ, ປິ່ນປົວ ມຮປະສິດທິພາບຫລາຍຂື້ນ.
ເນື່ອງຈາກສະໝອງ ແລະ ລະບົບປະສາດມີຄວາມສຳຄັນຢ່າງຍິ່ງ ໃນການສັ່ງການເຮັດວຽກຕ່າງໆ ຂອງຮ່າງກາຍ ຫາກມີຄວາມຜິດປົກກະຕິເກີດຂື້ນ ອາດເປັນອັນຕະລາຍເຖິງແກ່ຊີວິດ, ເປັນເຈົ້າຊາຍ ຫລື ເຈົ້າຍິງນິດທາ, ແຂນຂາອ່ອນແຮງ, ເປັນອຳມະພຶກ, ອຳມະພາດ ຫລື ກໍ່ໃຫ້ເກີດຄວາມພິການແກ່ຮ່າງກາຍໄດ້ ດັ່ງນັ້ນ, ຄົນເຈັບທີ່ມີຄວາມຜິດປົກກະຕິເກີດຂື້ນຈິ່ງຈຳເປັນຕ້ອງໄດ້ຮັບການກວດບົ່ງມະຕິທີ່ແມ່ນຢຳ ກ່ອນນຳໄປສູ່ການປິ່ນປົວ ຮ່ວມກັບການປ້ອງກັນບໍ່ໃຫ້ເກີດພະຍາດຄືນອີກ ຮວມທັງການພື້ນຟູລະບົບປະສາດໃຫ້ກັບມາແຂງແຮງຫລົງເຫລືອຄວາມພິການໃຫ້ໜ້ອຍທີ່ສຸດ ເພື່ອໃຫ້ຄົນເຈັບສາມາດກັບມາໃຊ້ຊີວິດໄດ້ຢ່າງປົກກະຕິສຸກ. ສູນແຫ່ງຄວາມເປັນເລີດດ້ານພະຍາດສະໝອງ ແລະ ລະບົບປະສາດ ໂຮງໝໍກຸງເທບອຸດອນ ມີຄວາມພ້ອມໃນການໃຫ້ບໍລິການກວດບົ່ງມະຕິ, ປິ່ນປົວ ແລະ ໃຫ້ການເບິ່ງແຍງຢ່າງຄົບວົງຈອນ ໂດຍແພດຜູ້ຊ່ຽວຊານສະເພາະທາງ ແລະ ທີມແພດຫລາຍສາຂາວິຊາຊີບ ເຊິ່ງໄດ້ຮັບການເຝິກອົບຮົມຢ່າງຕໍ່ເນື່ອງ ພ້ອມດ້ວຍອຸປະກອນ ແລະ ເຄື່ອງມືກວດບົ່ງມະຕິທາງການແພດທີ່ທັນສະໃໝ ສາມາດສົ່ງຕໍ່ຄົນເຈັບເພື່ອເຂົ້າຮັບການພື້ນຟູ ຫລື ພົບທ່ານໝໍຜ່າຕັດປະສາດໄດ້ຢ່າງໄວວາ. ນອກຈາກນີ້ ໂຮງໝໍຍັງມີລະບົບ Stroke Pathway ເພື່ອໃຫ້ໝັ້ນໃຈໄດ້ວ່າຄົນເຈັບຈະໄດ້ຮັບການປິ່ນປົວຢ່າງໄວວາ ທັນທ່ວງເວລາ, ລຸດຄວາມສ່ຽງທີ່ຈະເກີດຄວາມພິການຖາວອນໄດ້.
ພະຍາດກ່ຽວກັບສະໝອງ ແລະ ປະສາດທີ່ສາມາດພົບໄດ້ເລື້ອຍໆ ເຊັ່ນ:
- ພະຍາດປວດຫົວ ແລະ ໄມເກຣນ
- ພະຍາດວິນຫົວ
- ພະຍາດອຳມະພຶກຈາກຫລອດເລືອດສະໝອງຕີບ, ແຕກ ຫລື ຕັນ
- ພະຍາດລົມຊັກ ຫລື ອາການວູບ
- ພະຍາດກ່ນດຄື່ອນໄຫວຜິດປົກກະຕິ ແລະ ພາຣກີນສັນ
- ປວດແສບປວດຮ້ອນ ຈາກເສັ້ນປະສາດອັກເສັບ
- ພາວະການນອນຜິດປົກກະຕິ
- ພະຍາດຂອງກ້າມຊີ້ນ ເຊັ່ນ: ກ້າມຊີ້ນອັກເສບ, ກ້າມຊີ້ນອ່ອນແຮງ
- ພະຍາດສະໝອງເຊື່ອມ
- ພະຍາດຂອງເສັ້ນປະສາດ ເຊັ່ນ ຊາມື ຊາຕີນ
ການຜ່າຕັດສະໝອງ
- ກ້ອນເບົ້າໃນສະໝອງ
- ອຸບັດຕິເຫດເລືອດສະໝອງຜິດປົກກະຕິ ເຊັ່ນ: ເສັ້ນເລືອດໂພງໃນສະໝອງ, ເສັ້ນເລືອດຂອດໃນສະໝອງ
- ການຜ່າຕັດພະຍາດທາງລະບົບປະສາດໃນເດັກນ້ອຍ
- ການຜ່າຕັດໃສ່ທໍ່ລະບາຍນຳ້ໃນພາວະສະໝອງໃຫຍ່ບວມ
- ການຜ່າຕັດໃສ່ທໍ່ລະບາຍນຳ້ຈາກສະໝອງບວມຊະນິດຊົ່ວຄາວ.
ການຜ່າຕັດກະດູກສັນຫລັງ
- ການຜ່າຕັດກະດູກສັນຫລັງເສື່ອມ ແລະ ໝອນຮອງກະດູກສັນຫລັງເຄື່ອນ
- ການຜ່າຕັດເຊື່ອມຕໍ່ກະດູກສັນຫລັງ
- ການຜ່າຕັດຍືດກຶງກະດູກສັນຫລັງດ້ວຍເຫລັກ ໂດຍການເຈາະຮູຜ່ານຜິວໜັງ
- ການຜ່າຕັດກ້ອນເບົ້າໃນໄຂສັນຫລັງ
- ການຜ່າຕັດກະດູກສັນຫລັງທີ່ຖືກກະທົບ
- ການນຳເອົາເຄື່ອງມືທີ່ທັນສະໃໝເຂົ້າມາຊ່ວຍໃນການບົ່ງມະຕິ ເພື່ອຜົນການກວດທີ່ແມ່ນຢຳ ສົ່ງຜົນໃຫ້ການປິ່ນປົວມີປະສິດທິພາບເພີ້ມຫລາຍຂື້ນ.
- ການກວດເອກຊເຣ ຄອມພິວເຕີ (Computerized Tomography Scan: CT Scan)
- ການກວດສະໝອງດ້ວຍຄື້ນສະໜາມແມ່ເຫລັກ (Magnetic Resonance Image: MRI)
- ການກວດຫລອດເລືອດຢູ່ຄໍ
(Carotid Doppler Ultrasound) ເພື່ອຊ່ວຍປະເມີນການເກີດພະຍາດຫລອດເລືອດສະໝອງ
- ການກວດຄື້ນໄຟຟ້າສະໝອງ (Electroencephalogram: EEG) ຊ່ວຍໃນການບົ່ງມະຕິພະຍາດທາງສະໝອງ ແລະ ບອກຕຳແໜ່ງຂອງພະຍາດສະພາບໃນສະໝອງ ລວມເຖິງການບົ່ງມະຕິພະຍາດລົມຊັກ ເປັນຕົ້ນ.
- ການກວດເສັ້ນປະສາດ ແລະ ກ້າມຊີ້ນດ້ວຍໄຟຟ້າ (Electromyography: EMG) ໃຊ້ໃນການບົ່ງມະຕິພະຍາດທາງລະບົບປະສາດ ແລະ ທາງກ້າມຊີ້ນ ເຊັ່ນ: ພະຍາດກ້າມຊີ້ນອ່ອນແຮງ
- ການກວດການນຳກະແສປະສາດ (Nerve Conduction Study : NCS) ເປັນການກວດເພື່ອບົ່ງມະຕິພະຍາດຂອງເສັ້ນປະສາດສ່ວນປາຍ.
